الدكتور نسى الفوطة
نسى الفوطةناس واقفة بتتريق ومبسوطة
وناس تانية بتستغرب ومنقوطة
ليه الدكتور نسى الفوطة
وهو ياعينى كان واقف ووشه احمر ولا القوطة
........
وقال ياجماعة سامحونى...وقبل ما تيجوا تلومونى
تعالوا احكيلكوا أنا حكايتى....وبعديها ابقوا حاكمونى
سنين فاتت فى ثانوية....كفاح دامى وعرق ودموع
وبعد المعركة الحامية......قدرت انجح واجيب مجمووع
اخيرا حلمنا اتحقق.......هخش الطب وادكتر
رسالة جميلة ومعاها ....مقام عالى وفلوس اكتر
وجاتلى بطاقة الترشيح....فيها الطب اللى بحلم بييه
بتاع البوسطة جابهالى....وخدله حلاوة عشرة جنيييه
فى اول يوم لبست جديد....وشلت البالطو رحت لاقييت
زمايلى اتحشرو فى مدررج....عامل ولا علبة الكبرييت
ولكن برده ميئستش
دخل دكتور وقعد يشرح.....كلام كان صعب ولاتينى
وانا متنح ومش فاهم......لقيت النوم غلب عينى
ولكن برده ميئستش
وقلت ما دام ضاع النظرى ....هظبط نفسى فى العملى
جريت على المشرحة بسرعه.....ولكن كالعادة خاب املى
دخلت لقيت 200 واحد.....بيتخانقم على الجثة
وناس وقفة من الزحمة.......على كتفاى ومش حاسة
ولكن برده ميئستش
وطبعا حسوا بظروفنا....وحطولنا امتحان فوازيير
وكل ما اجى احل سؤال اقف قدامه زى الزيير
ولكن برده ميئستش
وجينا فى لجنة الشفوى....وكان قدامى واد كووسة
من الدكتور...وخد فوقهم كماان بووسة fullmark خد الـ
ولكن برده ميئستش
human race دخلت انا قام مكشرلى....كانى انا مش
hopless case سألنى سؤال ..مردتشى....وقاللى اخرج يااا
ولكن برده ميئستش
كبرنا شوية وقالولنا......خلاص دلوقتى تشوفوا حالات
ورحنا نشوف وكالعادة ....دا كله كان اشتغالات
ولكن برده ميئستش
بشوف الشاب من سنى.....واقف ويا الصحاب مرتاح
ولو عديت اانا يقولوا....راح الدحاح...جيه الدحاح
ولكن برده ميئستش
لحد ما خلصم السبعة.....وقلت خلاص هروق وهعيش
وقبل ما افوق من الصدمة.....خدونى عشان اخش الجيش
ولكن برده ميئستش
وقعت هناك فى ايد ضابط....صفرلى وقاللى يابسكوتة
احب ابشرك انك.......معايا هتطفح الكوتة
ولكن برده ميئستش
خلاص السبعة بقوا عشرة......وانا لسه ماشى جنب الحيط
وبان السن على وشى.......وشعرى ابيض واصلعييت
ولكن برده ميئستش
وبعد ما قلت كفارة.........خلاص هرتحلى كده كام يوم
لقتهم تانى واخدنى.......عشان تكليفى فى السلووم
ولكن برده ميئستش
وقلت هناك هاخد قرشين......آكل منهم واجيب لبسى
فوجئت ياعينى بمرتب........يادوب ميقضنيش شيبسى
ولكن برده ميئستش
وبعد العمر ده كله........رمونى فى وحدة صحية
نسيت الطب انا فيها.......وبقيت زى التمرجية
ولكن برده ميئستش
وادينى بعيش وهعمل ايه......مليش ولا قوة ولا حولا
وحيد غلبان وحتى مفيش.....جواز على نفقة الدولة
ولكن برده ميئستش
قام الدكتور صعب عالناس.......وفضلم يبكوا على حااله
وحتى الفوطة نسيوها........ولموا فلوس وسابوهاالوه
وقال دكتورنا عالفوطة.......تعالوا هشيلها أأنا بكرة
لكن أهل المريض قاالوا....خلااص...سيبهالنا للذكرى
منقوول
No comments:
Post a Comment