إنها حقاً مجموعة محترمة

ياااااااااااااااااااااااااااااااااااااااااااااااااااااااااااااااااااااااااااااااااااه الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله


ناقشنا مشروع التخرج النهاردة (أو الأدق امبارح) وخلصنا كل اللى علينا عشان نتخرج .... كده اللى باقى على الكلية (النتيجة وحاجات كده) إن شاء الله ربنا يكرم فيها

بس بجد والله الحمد لله أوى أوى أوى أوى

:D يمكن تكون المناقشة مش زى ما توقعنا أوى أو كنا نتمنى إنها كانت تطلع أفضل من كده على الأقل من ناحيتنا .... بس عادى مناقشة

:D سبع دكاترة و خمسة طلبة ...... الحمد لله إننا عرفنا نتكلم أصلاً قدام كل العدد ده من الدكاترة
(والله اتسحلنا النهاردة ... 3 ساعات مناقشة !!!)

بس اللى أنا عايز فعلا أشكرهم مجموعتى

بجد المجموعة دى محترمة أوى

عمرهم ما قصروا فى شغل وعمرهم ما عملوا مشاكل كبيرة (كان دايما لو أى خلاف بيبقى صغير وبيتحل فى ساعتها) وعمرهم ما كسلوا مرة ولا قلبوا حاجة ولا رموا شغل على بعض ولا عمرنا خدنا قرار بالأغلبية (كان كله بالاجماع الحمد لله) ولا ولا ...... حاجات كتير أوى ملخصها إنى فى غاية السعادة إنى اشتغلت معاهم وماكنش ممكن ألاقى مجموعة أحسن من كده اشتغل معاها

والحمد لله عملنا شغل فعلا كويس على الأقل بالنسبة لمشاريع الدفعات اللى قبلنا ويكفينا النهاردة شهادة د/نجوى بأن الشغل كويس

والأهداف اللى حطيناها من الأول الحمد لله حققناها كلها سواء على مستوى الكلية أو على مستوى الشغل

مش قادر أقول أكتر من الحمد لله وأكيد زملاتى حاسين بإحساسى اللى أنا فعلا مش لاقى كلام يعبر عنه

أنا بشكر مجموعتى دى مرة اخرى وليست الأخيرة وإن شاء الله نشتغل مع بعض بعد كده بس يا عالم بقى ده ممكن يستمر فترة أد إيه

وباشكر حقيقى كل واحد وواحدة فى دفعتى على موقف كويس عمله معايا أو موقف وحش استحملنى فيه أو حتى العلاقة الطيبة اللى ربطتنى بأغلبهم الحمد لله ..... حقيقى يا شباب حتوحشونى أوى أوى أوى ... ربنا يوفقنا جميعاً يا رب فى كل حياتنا

(:D وباتمنى التوفيق لكل الشباب اللى لسة حيناقشوا بكرة إن شاء الله (ويكفيكوا شر المستخبى يا رب

:D وإيه تانى ممممممممم بس خلاص كده كفاية بقى

حد عايز يقول حاجة ؟