عندما يفشل سكاى بى والآخرون ..... فأنت على موعد مع قرطبة

:D قرطبة ... مشروع التخرج العزيز بتاعنا

امبارح كنت أنا وإسلام بلتاجى فى اجتماع مع بعض الأصدقاء بين طرف العالم الشرقى والغربى (من الآخر من مصر وأمريكا عشان التحوير) ه
:D

كنا 5 أشخاص

الطبيعى إنك تستخدم سكاى بى فى الموضوع ده

يااااااااه على القرف بقى ....... الصوت وحش وبيقطع وناس الرووم تقع منها وحاجة زفت .... بجد مش عارفين نتكلم كلمتين مع بعض

بجد حقيقى والله ..... الموضوع ده كان حصل معانا أيام امتحانات الترم الأول وسكاى بى قرفنا كده برده

المهم عشان مطولش عمك إسلام قرر يستخدم قرطبة ... مشروعنا

اللى على النت دلوقت النسخة القديمة ..... لسة التيكنيكال مانجر بتاعنا م/عمرو قبردى محطش النسخة الجديدة

المهم استخدمنا النسخة القديمة اللى جى يو آى بتاعتها على أداها كده

بجد بسم الله ما شاء الله

الصوت واضح جدا كأن الراجل من أمريكا قاعد جنب ودنى

ولا قطع ولا الصوت راح ... مفيش بس (عشان الصراحة) غير فى الآخر بعد ساعة كده ولا حاجة واحدة من اللى موجودين بقت مش سامعة حاجة بس مجرد ما طلعت من الرووم ودخلت تانى خلاص

حقيقى أنا مبسوط بالحوار ده أوى ... وياريت إن شاء الله نحط النسخة الجديدة على النت ونستخدمه تانى وتالت ورابع

كمان لازم أشكر أوى إيزى دايالوج (الشركة اللى حطلينا السيرفر عندهم) أنا مكنتش متوقع إنهم فاتحين السيرفر لحد دلوقت .... بس يا رب لما يقرأوا البوست ده يفتكروا ويقفلوه
:D:D

أنا بنصحكم نصيحة أخ ....... استخدموا قرطبة لما تواجهوا مشكلة مع الناس التانيين دول
:D

بس لازم يكون فيه فلاش بلاير

http://islamkk.googlepages.com/Zai-VCR.html